Студиската програма за III циклус студии – докторски студии по стоматолошки науки опфаќа активна истражувачка работа под менторство и е структурирана на следниот начин:

1. организирана академска обука, што содржи обука за истражување, напредни и стручни курсеви (предмети за стекнување генерички знаења и предмети за академска обука за стекнување напредни и стручни знаења), што се вреднува со 42 ЕКТС -кредити;
2. независен истражувачки проект за изработка на докторскиот труд под менторство (докторски проект) што содржи истражувачка работа под менторство и поднесување на предлог – докторски проект за изработка на докторски труд и се вреднува со 41 ЕКТС – кредити;
3. меѓународна мобилност, најмалку еднонеделен престој, што се вреднува со 6 ЕКТС – кредити;
4. предавања и друг вид комуникациски активности, што содржи учество на семинари и конференции, што се вреднува со 18 ЕКТС – кредити;
5. објавување во референтни научни публикации и активно учество на меѓународни собири во врска со докторскиот труд, што се вреднува со 27 ЕКТС – кредити;
6. изработка и јавна одбрана на докторски труд врз основа на докторски проект, што се вреднува со 46 ЕКТС – кредити.

Распоред на предметите и активностите по семестри

Студентот во првиот и вториот семестар бира изборни предмети кои припаѓаат на областа од која е избран менторот и од која понатаму ќе предложи тема за изработка на докторскиот труд. Студентот може да одбере два предмети од друга област, но само доколку станува збор за тема која е интердисциплинарна и само во согласност со менторот. Студентот низ семестрите напредува согласно актот на Универзитетот кој го регулира студирањето на третиот циклус. Студентите во еден семестар запишуваат до 30 ЕКТС. Доколку студентот не ги реализира запишаните предмети или активности од семестарот, истите ги презапишува во наредниот семестар.

Табела 1.1. Задолжителни наставни предмети на студиската програма и предмети на Универзитетска листа

Табела 1.2. Изборни наставни предмети на студиската програма