Студиската програма –Дентална медицина, втор циклус академски (магистерски) студии, е со траење од 1 година, односно 2 семестри.
Вкупниот број на кредити кои студентот ги освојува со положување на сите предмети и одбраната на магистерскиот труд изнесува 60 ЕКТС.
Студиската програма е структурирана од задолжителни, изборни предмети и изработка и одбрана на завршен магистерски труд. Изборните предмети се од различни области на стоматологијата и студентот ги избира во зависност од афинитетот и од темата која ќе ја работи во магистерскиот труд.
Во првиот семестар студентите имаат 5 задолжителни предмети, од кои секој носи по 6 ЕКТС, со кои освојуваат вкупно 30 ЕКТС.
Во вториот семестар студентите избираат два изборни предмети од кои секој носи 5 ЕКТС, со кои освојуваат вкупно 10ЕКТС. Во склоп на изборните предмети, студентот има и практична обука, во облик на вежби, демонстрација на различни случаи како и самостојна истражувачка работа.
Изборните предмети се наредени во листа на изборни предмети, според научната област на која и припаѓаат. Листата на изборни предмети се состои од вкупно 56 понудени предмети поделени во 8 области и тоа:
1-детска стоматологија, 2- превентивна стоматологија, 3-ортодонција; 4- стоматолошка протетика; 5- орална хирургија, 6 – имплантологија; 7 – пародонтологија и орална медицина и 8 – дентална патологија, реставративна стоматологија и ендодонција.
Студентот има право да ги избере предметите во согласност со својот потесен интерес, со цел добивање на дополнителни, високо специјализирани знаења и вештини од таа потесна област.
Останатите 20 ЕКТС, студентите ги освојуваат со изработка и одбрана на магистерски труд. Овој труд, јавно го бранат по завршување на сите обврски и положување на сите предмети.
Со завршување на студиската програма, студентот се стекнува со академски назив: магистер на стоматолошки науки (анг. master of dental sciences) .
Преглед на структурата на студиската програма