Стоматолошкиот факултет – Скопје и Општина Сопиште потпишаа меморандум за соработка Деканот на Стоматолошкиот факултет – Скопје во состав на Универзитетот ,,Св. Кирил и Методиј’’ во Скопје, проф. д-р Ќиро Ивановски и градоначалникот на Општина Сопиште, м-р Стефче Трковски, потпишаа меморандум за соработка.
Со меморандумот се предвидени реализирање на заеднички активности со цел унапредување на оралното здравје кај:
-Деца од предучилишна и училишна возраст;
-Лица кои потекнуваат од семејства со социјален ризик;
-Лица корисници на пензија;
Целта на заедничката соработка е подигнување на свеста и поттикнување на семејствата и заедницата за преземање мерки за превенција на оралните заболувања како и намалување на штетните последици кои ги предизвикуваат истите.
Активностите ќе започнат со почетокот на учебната 2023/2024 година.
![](https://stomfak.ukim.edu.mk/wp-content/uploads/2023/07/349326407_1181698532781662_1842438540661573461_n-1024x683.jpg)
![](https://stomfak.ukim.edu.mk/wp-content/uploads/2023/07/347553813_1181698486115000_5018983295085489131_n-1024x683.jpg)