Предавање на 27.03.2026 год. од 10-11 часот, амфитеатар 1 на Стоматолошки факултет, Скопје

Визитинг Проф. д-р Алексa Марковиќ    

Катедра за Орална хирургија  – директор на Имплантолошки центар при Стоматолошки факултет Белград, Универзитет Белград, Србија

ПРЕТПРОТЕТСКА ХИРУРГИЈА НА КОСКЕНИ ТКИВА

Претпротетската хирургија на коскените ткива опфаќа хируршки процедури насочени кон морфолошка и функционална подготовка на алвеоларниот гребен и придружните анатомски структури, со цел обезбедување оптимална биолошка, функционална и естетска основа за изработка на фиксни, мобилни и имплант-протетски надоместоци. Успехот на претпротетските хируршки интервенции се темели на интердисциплинарно терапевтско планирање, индивидуализиран терапевтски пристап и примена на современи биоматеријали и минимално инвазивни хируршки техники. Ваквиот пристап овозможува подобрување на стабилноста и ретенцијата на протетските конструкции, постигнување супериорни естетски резултати и зголемена предвидливост на имплант-протетските рехабилитации.

Во рамките на предавањето ќе бидат презентирани индикациите, принципите на клиничката евалуација, како и најчесто применуваните хируршки техники во претпротетската и преимплантолошката подготовка.