Органи и тела на факултетот
Органи на Факултетот се:
Наставно-научниот совет на Факултетот е орган на управување и стручен орган. Наставно-научниот совет го сочинуваат редовните и вонредните професори и доцентите вработени на Факултетот, како и претставници кои ги избираат студентите.
Деканатската управа е орган на управување на Факултетот. Деканатската управа брои 12 члена. и тоа: деканот, продеканите, раководителите на катедрите и претседателот на Факултетското студентско собрание.
Деканот е раководен орган на Факултетот. Тој го застапува и го претставува Факултетот во земјата и во странство. Надлежностите на деканот се предвидени во Законот за високото образование, Статутот на Универзитетот ,,Св. Кирил и Методиј’’ во Скопје и Статутот на Стоматолошкиот факултет во Скопје во состав на Универзитетот ,,Св. Кирил и Методиј’’ во Скопје.
На Факултетот се избираат 3 продекани и тоа:
- Продекан за настава – проф.д-р Василка Ренџова
- Продекан за наука – проф.д-р Гордана Апостолова
- Продекан за меѓународна соработка – проф.д-р Сања Панчевска
- Наставен одбор;
- Научен одбор;
- Кадровски одбор;
- Одбор за специјализации;
- Одбор за меѓународна соработка;
- Библиотечен одбор.
Наставно-научниот совет на Факултетот формира Етичка комисија како стручно-работно тело за медицинско-стоматолошки истражувања.
За организирање на вториот циклус студии се формира Наставно-научен колегиум на студиска програма за втор циклус на студии.
За организирање на третиот циклус студии се формира Совет за докторски студии.
За да оствари соработка и доверба со јавноста, деловната заедница, професионалните комори и со други институции и здруженија на граѓани од подрачјето во кое ги врши високообразовната дејност и научноистражувачката работа, како и за да оствари јавност и одговорност за вршењето на дејноста од јавен интерес, Факултетот формира факултетски Oдбор за соработка и доверба со јавноста.