Стоматолошкиот  факултет – Скопје Универзитет ,,Св. Кирил и Методиј’’ во Скопје на 15.03.2025 учествуваше на овогодинешниот Саем за образование, организиран од страна на студентската платформа ,,Студентарија’’ во Skopje City Mall, заедно со уште педесетина универзитети, факултети, академии, компании и организации.

На саемот, матурантите имаа можност да се запознаат со студиските програми на Стоматолошкиот  факултет – Скопје , да се информираат за неговата техничка опременост, можностите за стипендирање и меѓународна размена, но и да ги слушнат  искуствата на студентите и  нивните активности поврзани со  научноистражувачките проекти и практикантство. Беа организирани повеќе работилници за кариерно советување, индивидуални сесии и панел дискусии, со цел зголемени кариерни можности на пазарот на труд.