Хируршки принципи на препарација на имплантно лежиште, хоризонтална коскена аугментација (gbr) со акцент на флап дизајнот и техниките на сутурирање

Во рамките на предвидениот план и програма за супспецијализантите по орална имплантологија во тек на месец декември 2024 г. и фебруари 2025 г. во просториите на претклиничките сали на Стоматолошкиот факултет се одржаа две работилници како дел од практичната настава со следнава агенда:
-Карактеристики на флап дизајн во естетска и бочна регија (теоретски и практичен дел)
-Принципи на препарација на имплантно лежиште, респектирање на корелацијата со блиските анатомски структури и 3Д позиционирање на имплант (теоретски и практичен дел)
-Аугментативни техники на локално зголемување на коскен волумен (теоретски и практичен дел работа со ресорптивни мембрани и партикуларен графт материјал)
-Сутури, техники на сутурирање (единечни, душек шев, континуирани продожени сутури и Х сутури, теоретски и практичен дел)

Работилнците беа спроведени од страна на Катедрата за имплантологија, Проф.д-р Марија Пеева-Петреска, проф.Даниела Велеска-Стевковска и проф.Едвард Јанев.

За потребите на курсот беа обезбедени модели со артифициелна гингива (DOS), оралнохируршки инструментариум за инцизии и сутури, насадни инструменти, имплантолошки сет и импланти за едукативни цели, ресорптивни мембрани и партикуларни графт материјали за едукативни цели како и конци за сутури.