Меморандум за соработка- Асоцијацијата за дезинфекција и стерилизација на Република Северна Македонија – Стоматолошки факултет – Скопје Универзитет ,,Св. Кирил и Методиј'' во Скопје

Стоматолошкиот факултет – Скопје во состав на Универзитетот ,,Св. Кирил и Методиј” во Скопје и Асоцијацијата за дезинфекција и стерилизација на Република Северна Македонија (DSAM) потпишаа меморандум за соработка за заедничка долгорочна научна, техничка, образовна и апликативна соработка.

Формата на долгорочната научна, техничка, образовна и апликативна соработка ќе се остварува преку Центарот за кариера на Факултетот на следните начини:

-Заеднички проекти од истражувачки, развоен и научен карактер;

-Соработка во едукативни процеси преку организирање на посети, научни и стручни собири, обуки и слично;

-Различни облици на научна, истражувачка и техничка помош;

-Консултации и експертизи;

-Воспоставување на контакти и презентација на договорените страни пред домашни и странски субјекти;

-Организирање на тркалезни маси и размена на искуства;

-Други активности од научен, технички, образовен и апликативен карактер.